BIC NEW YORK — Skrifstofa Alþjóðlega bahá’í samfélagsins (BIC) hefur sent frá sér stutt myndband undir yfirskriftinni „Gagnkvæmum tengslum tekið opnum örmum: Undirstöður heims á umbreytingaskeiði“.
Saga okkar er ein – ár liðið frá upphafi átaks
18. júní 2024
Höfundur: Þjóðarskrifstofa
BIC GENF – Í dag er ár liðið frá því að Alþjóðlega bahá’í samfélagið (BIC) hleypti af stokkunum átakinu #OurStoryIsOne (#SagaOkkarErEin) til heiðurs 10 bahá’í konum sem, á einni nóttu fyrir fjórum áratugum síðan, voru hengdar í borginni Shírāz í Íran fyrir trú sína.
Átakið hefur vakið mikla athygli og verið kveikjan að listsköpun frá nánast öllum heimshornum og vakið upp hugleiðingar um langvarandi jafnréttisbaráttu í Íran og um allan heim.
Simin Fahandej, fulltrúi Alþjóðlega bahá’í samfélagsins hjá Sameinuðu þjóðunum í Genf, segir, þegar hún lítur til baka til síðustu ára: „Þau miklu viðbrögð, sem komu sem svar við herferðinni Saga okkar er ein, eru til vitnis um þá miklu þrá sem býr í brjósti fólks um allan heim eftir einingu innan fjölskyldu mannsins og eftir jafnrétti kvenna og karla.
„Listaverkin sem herferðin veitti innblástur,“ segir hún ennfremur, „minna á tengslin innan hinnar mannlegu fjölskyldu og sameiginlega löngun okkar eftir sameinuðum heimi.“
Fahandej bætir við: „Með því að minnast þessara 10 bahá’í kvenna í Shírāz er minnt á þrautseigju mannsandans. Þessi herferð hefur orðið mörgum hvatning til að sjá fyrir sér framtíð þar sem jafnrétti og réttlæti eru ekki aðeins hugsjónir heldur raunverulegur veruleiki allra.“
Á vef Bahá’í heimfréttaþjónustunnar má sjá listræna tjáningu af ýmsu tagi sem innblásnar eru af #OurStoryIsOne átakinu. Fleiri dæmi má finna á vefsíðu Alþjóðlega bahá’í samfélagsins. Framlag bahá’ía frá Íslandi má sjá hér.
Fréttir
18.09.2024
BIC NEW YORK – Í tilefni af leiðtogafundi framtíðarinnar sem haldinn verður síðar í þessum mánuði hefur Alþjóðlega bahá’í samfélagið (BIC) sent frá sér yfirlýsingu sem ber yfirskriftina „Gagnkvæmum tengslum tekið opnum örmum: Undirstöður heims á umbreytingarskeiði“. Í yfirlýsingunni er lögð áhersla á að alþjóðasamfélaginu gefist einstætt tækfæri til að láta gagnkvæm tengsl mannkyns skipa öndvegi í stjórnun alþjóðamála og til þess beri brýna nauðsyn.
04.09.2024
Bahá’í heimsmiðstöðin – Allsherjarhús réttvísinnar hefur tilkynnt í nýlegu bréfi til allra andlegra þjóðarráða að ráðist verði í umtalsverða uppbyggingu og endurbætur á helgidómi Bábsins og í nágrenni hans. Helgidómurinn umlykur jarðneskar leifar Bábsins og er vettvangur pílagrímsferða og þögullar íhugunar þúsunda gesta á hverju ári.
28.07.2024
Tvö bahá'í ungmenni frá Íslandi, þau Matthildur Amalía Marvinsdóttir og Chadman Naimy, taka þátt í bahá'í ungmennaráðstefnu í Staffordshire á Englandi.
17.07.2024
Um 50 börn, unglingar og fullorðnir mættu á sumarmót bahá’ía sem haldið var í Reykhólaskóla helgina 5. – 8. júlí síðastliðinn. Að venju var fræðsla fyrir börn, unglinga og fullorðna. Á laugardeginum var farið til Skóga í Þorskafirði þar sem bahá’íar standa að skógrækt í samvinnu við Skógræktina. Þar plöntuðu ungir sem aldnir 400 trjám.
