Bahá'íar hittast á þriggja mánaða fresti á svokölluðum "umdæmissamkomum." Ein slík samkoma var haldin í gær, laugardaginn 12. ágúst, í glaða sólskini úti undir beru lofti á landareign bahá'ía að Kistufelli undir Esjurótum. Sérstök dagskrá var haldin fyrir börnin. Mikið af ungmennum var meðal þáttakenda á umdæmissamkomunni, enda stóð yfir bahá'í þjálfunarnámskeið á staðnum.
Kyrrðarstundir eru haldnar heima hjá Ólafi Haraldssyni og Ragnheiði Ragnarsdóttur að Reykjabyggð 55 í Mosfellsbæ öll þriðjudagskvöld, kl 20. Leið 15 stoppar í næsta nágrenni. Allir eru hjartanlega velkomnir.
Bahá'íar um allan heim minntust í gær píslarvættis Bábsins, fyrirrennara bahá'í trúarinnar, sem átti sér stað í Tabrís í Persíu 9. júlí, 1850. Bahá'íar á Íslandi komu saman á ýmsum stöðum að þessu tilefni.
Laugardaginn 1. júlí, var haldið opið hús í Bahá‘í miðstöðinni, Kletthálsi 1, Reykjavík, með hjónunum herra og frú Aqiqi, sem voru stödd hér á landi í nokkra daga. Þau eru bæði bahá'íar frá Írak, en eru búsett í Ottawa, Kanada. Þar í borg er öflugt bahá'í starf og eru átrúendurnir rúmlega eitt þúsund talsins.