Loka

Not a member yet?Register now and get started.

lock and key

Sign in to your account.

Account Login

Bahá'í stjórnkerfið


Bahá'í heimsmiðstöðin í Haifa, Ísrael
Bahá'í heimsmiðstöðin í Haifa, Ísrael

 

„Veröldin hefur gengið úr skorðum vegna gagntakandi áhrifa þessa mesta, þessa nýja heimsskipulags“

 

Bahá'í stjórnkerfið

Bahá'u'lláh afnam prestastéttina, en stofnsetti þess í stað stjórnskipulag, sem er tvíþætt. Annar vængurinn er kosinn og hinn útnefndur. Kosni armurinn samanstendur af andlegum ráðum á svæðisbundnu, þjóðlegu og alþjóðlegu þrepi. Útnefndi armurinn skiptist í Alþjóðlegu kennslumiðstöðina, álfuráðgjafa, aðstoðarráðgjafa og aðstoðarmenn þeirra. Útnefndi armurinn gegnir því mikilvæga hlutverki að vernda málstaðinn og efla útbreiðslu hans, en hefur engin völd. Þau liggja alfarið hjá hinum kosna armi. 

Höfuð trúarinnar, Allsherjarhús réttvísinnar, var kosið í fyrsta sinn árið 1963. Það er kosið á fimm ára fresti á alþjóðaþingi af andlegum þjóðarráðum heimsins. Aðsetur Allsherjarhússins er í hlíðum Karmelfjalls í borginni Haifa, sem er í norður Ísrael. 

 

Núverandi Andlegt þjóðarráð bahá´ía á Íslandi ásamt aðstoðarráðgjöfum

Núverandi Andlegt þjóðarráð bahá´ía á Íslandi ásamt aðstoðarráðgjöfum

 

Nýtt andlegt þjóðarráð er kosið árlega á landsþingi af fulltrúum hvers samfélags. Andleg svæðisráð eru sömuleiðis kosin árlega. Níu manns sitja í hverju ráði.

Allir meðlimir samfélagsins sem náð hafa 21 árs aldri eru í kjöri til andlegra ráða. Kosningarfyrirkomulagið er einstakt, því hvorki er leyft að koma með tilnefningar eða að heyja kosningabaráttu.

 

Pílagrímsferðir

Karmelfjall er ekki aðeins heimsmiðstöð bahá'í stjórnskipulagsins, því á þessu sama fjalli, skammt frá stjórnarfarsbyggingunum er helgidómur Bábsins, sem er einn af helgustu stöðum trúarinnar. Pílagrímar koma víðs vegar að úr heiminum til að biðjast fyrir í helgidómnum. Jafnframt heimsækja þeir helgidóm Bahá'u'lláh í Bahjí og aðra bahá'í sögustaði á svæðinu.

 

Brot úr íslenskri kynningarmynd um bahá'í trúna