BIC NEW YORK — Skrifstofa Alþjóðlega bahá’í samfélagsins (BIC) hefur sent frá sér stutt myndband undir yfirskriftinni „Gagnkvæmum tengslum tekið opnum örmum: Undirstöður heims á umbreytingaskeiði“.
Bahá'í stjórnkerfið
Gestir á landsþingi bahá'ía árið 2019
„Veröldin hefur gengið úr skorðum vegna gagntakandi áhrifa þessa mesta, þessa nýja heimsskipulags“ - Bahá'u'lláh
Bahá'í stjórnkerfið
Bahá'u'lláh afnam prestastéttina, en stofnsetti þess í stað stjórnskipulag, sem er tvíþætt. Annar vængurinn er kosinn og hinn útnefndur. Kosni armurinn samanstendur af andlegum ráðum á svæðisbundnu, þjóðlegu og alþjóðlegu þrepi. Útnefndi armurinn skiptist í Alþjóðlegu kennslumiðstöðina, álfuráðgjafa, aðstoðarráðgjafa og aðstoðarmenn þeirra. Útnefndi armurinn gegnir því mikilvæga hlutverki að vernda málstaðinn og efla útbreiðslu hans, en hefur engin völd. Þau liggja alfarið hjá hinum kosna armi.
Setur Allsherjarhúss réttvísinnar
Höfuð trúarinnar, Allsherjarhús réttvísinnar, var kosið í fyrsta sinn árið 1963. Það er kosið á fimm ára fresti á alþjóðaþingi af andlegum þjóðarráðum heimsins. Aðsetur Allsherjarhússins er í hlíðum Karmelfjalls í borginni Haifa, sem er í norður Ísrael.
Andlegt þjóðarráð bahá´ía á Íslandi ásamt aðstoðarráðgjöfum á landsþingi 2018
Nýtt andlegt þjóðarráð er kosið árlega á landsþingi af fulltrúum hvers samfélags. Andleg svæðisráð eru sömuleiðis kosin árlega. Níu manns sitja í hverju ráði.
Allir meðlimir samfélagsins sem náð hafa 21 árs aldri eru í kjöri til andlegra ráða. Kosningarfyrirkomulagið er einstakt, því hvorki er leyft að koma með tilnefningar eða að heyja kosningabaráttu
Meðlimir andlegs ráðs bahá'ía í Reykjavík, árið 2022
Svipmyndir frá landsþingi bahá'ía árið 2019.
Kvikmynd sem veitir innsýn í 100 ára starf og lærdómsferli bahá'í samfélaga frá árinu 1921. Sagt er frá uppbyggingu bahá'í stjórnkerfisins um allan heim. Með íslenskum texta
- English
- Íslenska
Fréttir
18.09.2024
BIC NEW YORK – Í tilefni af leiðtogafundi framtíðarinnar sem haldinn verður síðar í þessum mánuði hefur Alþjóðlega bahá’í samfélagið (BIC) sent frá sér yfirlýsingu sem ber yfirskriftina „Gagnkvæmum tengslum tekið opnum örmum: Undirstöður heims á umbreytingarskeiði“. Í yfirlýsingunni er lögð áhersla á að alþjóðasamfélaginu gefist einstætt tækfæri til að láta gagnkvæm tengsl mannkyns skipa öndvegi í stjórnun alþjóðamála og til þess beri brýna nauðsyn.
04.09.2024
Bahá’í heimsmiðstöðin – Allsherjarhús réttvísinnar hefur tilkynnt í nýlegu bréfi til allra andlegra þjóðarráða að ráðist verði í umtalsverða uppbyggingu og endurbætur á helgidómi Bábsins og í nágrenni hans. Helgidómurinn umlykur jarðneskar leifar Bábsins og er vettvangur pílagrímsferða og þögullar íhugunar þúsunda gesta á hverju ári.
28.07.2024
Tvö bahá'í ungmenni frá Íslandi, þau Matthildur Amalía Marvinsdóttir og Chadman Naimy, taka þátt í bahá'í ungmennaráðstefnu í Staffordshire á Englandi.
17.07.2024
Um 50 börn, unglingar og fullorðnir mættu á sumarmót bahá’ía sem haldið var í Reykhólaskóla helgina 5. – 8. júlí síðastliðinn. Að venju var fræðsla fyrir börn, unglinga og fullorðna. Á laugardeginum var farið til Skóga í Þorskafirði þar sem bahá’íar standa að skógrækt í samvinnu við Skógræktina. Þar plöntuðu ungir sem aldnir 400 trjám.
