„Sökkvið yður í úthaf orða Minna, svo að þér megið afhjúpa leyndardóma þeirra og uppgötva allar perlur viskunnar, sem liggja fólgnar í djúpum þess.“ - Bahá'u'lláh

Ritningalestur

Bahá'í helgirit, rit Bahá’u’lláh, Bábsins og 'Abdu'l-Bahá, eru mjög mikil af vöxtum. Talið er að rit Bahá'u'lláh eins nemi um 100 bindum, ef allt væri talið. Helgiritin hafa verið þýdd á yfir 800 tungumál. Meðal bahá'í helgirita sem komið hafa út á íslensku má nefna Kitáb-i-Íqán (Bók fullvissunnar), Hulin orð og Úrval úr ritum Baháʼuʼlláh. Auk þess er vert að geta samantektanna Bahá'í bænir og Lind lifandi vatna.

Á vefnum „Bahá'í ritningar kvölds og morgna“ eru ritningar fyrir hvern dag ársins.

Leitandinn á vegi Guðs er úrval dulhyggjurita eftir Bahá'u'lláh.

 Bahá'í bænir á íslensku á netinu

Meginpersónur trúarinnar: Bábinn, Bahá'u'lláh og 'Abdu'l-Bahá, opinberuðu allir fjölmargar bænir fyrir alls konar tilefni. Á netinu er að finna safn bæna á ýmsum tungumálum. Með því að velja "íslenska" undir valmyndinni efst til vinstri er hægt að nálgast efnið. Undir öðrum valmyndum er boðið upp á að velja ákveðna gerð bæna og orðaleit. Sjá hér

Elínrós Benediktsdóttir og dóttir hennar Sandra Júlía Matthíasardóttir flytja lag Elínrósar við ritningarvers úr bókinni Hulin Orð eftir Bahá'u'lláh

Bahá'í bænabók

Ókeypis PDF skrá með nýjustu útgáfu Bahá'í bænabókarinnar er fáanleg hér: Bahá'í bænabók