„Sannlega segi Ég, þetta er dagurinn þegar mannkynið getur litið ásjónu og heyrt raust hins Fyrirheitna.“

Hvers vegna aðhyllist þið Bahá'í trú?

Hjónin Banu Naimy og Ívar Erlendsson ræða við Sigurð Inga Ásgeirsson um hvers vegna þau gerðust bahá'íar og eru það ennþá. Sigurður segir einnig frá sinni reynslu sem bahá'íi. Lögin sem heyrast í viðtalinu eru annars vegar lag eftir ástralska bahá'íann og tónlistarmanninn Grant Hindin Miller, sem byggir á orðum Bahá'u'lláh og hins vegar lag eftir Luke Slott, írskan bahá'ía, söngvara og tónskáld, við lækningabæn eftir Bahá'u'lláh.

Dr. Hoda Thabet: Where is my home?

Dr. Hoda Thabet talks about her life, her origins, and how she came to Iceland and discusses the persecution of the Bahá'ís in Iran and Yemen.

Davíð Ólafsson: Draumar

Davíð Ólafsson fjallar um drauma með hliðsjón af kenningum Bahá'í trúarinnar. Davíð er Reykvíkingur. Hann hefur starfað sem sjúkraliði á Landspítalanum í tæplega 40 ár. Davíð er mikill áhugamaður um andleg málefni og annað þeim tengt. Hann kynntist Bahá´í trúnni árið 1983. Í dag er hann meðlimur Andlegs ráðs bahá´ía í Reykjavík.

Erna Magnúsdóttir: Menntun barna

Erna Magnúsdóttir aðstoðarráðgjafi fjallar um efnislega og andlega menntun barna með hliðsjón af kenningum Bahá'í trúarinnar.

Ingibjörg Daníelsdóttir: Trúin og ég

Hvernig er að kynnast baháʼí trúnni og tileinka sér hana? Ingibjörg Daníelsdóttir segir frá því hvernig og hvers vegna hún gekk til liðs við baháʼí trúna árið 1971 á Ísafirði, hvaða kenningar höfðuðu mest til hennar og hvaða áhrif trúin hefur haft á líf hennar síðan þá. Inga er alin upp í sveit í Hrútafirði en hefur að mestu búið á Ísafirði síðan hún fór þangað sem unglingur í menntaskóla. Hún hefur sinnt ýmsum störfum innan baháʼí samfélagsins, m.a. um tíma í Andlega þjóðarráðinu. Inga var meðal stofnenda og fyrsti formaður félags sem nefndist Rætur, félag áhugafólks um menningarfjölbreytni en félagið var einkum þekkt fyrir að standa að þjóðahátíðum á Vestfjörðum fyrir og um síðustu aldamót.

Eðvarð Taylor Jónsson: Tengsl sálar og líkama

Eðvarð Taylor Jónsson er bókmenntafræðingur frá háskólanum í Lundi, Svíþjóð.  Hann gerðist bahá'í árið 1973. Hér ræðir hann um tengsl sálar og líkama, með hliðsjón af helgiritum bahá'í trúarinnar og rannsóknum vísindamanna á nærdauðareynslu.

Margrét Bárðardóttir sálfræðingur: Núvitundin og tengsl við bahá'í trúna

 Margrét Bárðardóttir sálfræðingur stundaði nám í hugrænni atferlismeðferð í Oxford 2002–2003 og hóf jafnframt þjálfun í núvitund.

Dr. Halldór Þorgeirsson: Loftlagsvá og heimssýn bahá'í trúarinnar

 Dr. Halldór Þorgeirsson plöntulífeðlisfræðingur er formaður Loftslagsráðs Íslands og meðlimur Andlegs þjóðarráðs bahá'ía.

Jón Börkur Ákason: Leiðin að réttlátu heimsskipulagi

Jón Börkur Ákason félagsfræðingur fjallar um yfirlýsingu Alþjóða Bahá'í samfélagsins: Stjórnarhættir við hæfi - Mannkynið og leiðin að réttlátu heimsskipulagi. Yfirlýsingin var gefin út 22. október 2020 í tilefni af 75 ára afmæli Sameinuðu þjóðanna.

Dr. Margrét Gísladóttir: Ytri og innri áskoranir ungs fólks

Dr. Margrét Gísladóttir fjallar um efnið út frá sínum fræðum og vísar einnig í Bahá'í ritningar um þetta málefni. Dr. Margrét er sérfræðingur í geðhjúkrun og fjölskyldufræðingur.

Sigurður Ingi Ásgeirsson: Hvernig getum við vitað fyrir víst hvort Bahá'u'lláh sé sannur spámaður eða falsspámaður?

 Sigurður Ingi Ásgeirsson kvikmyndagerðarmaður og kennari fjallar um aðferð Biblíunnar til að þekkja sannan spámann frá fölskum.

Guðmundur Steinn Guðmundsson: Samræmi vísinda og trúarbragða

 Guðmundur Steinn Guðmundsson tæknifræðingur fjallar um samræmi vísinda og trúarbragða í ljósi bahá'í kenninga.

Kristín Svanhildur Ólafsdóttir: Stighækkandi opinberun eins og hún birtist í Biblíunni

Kristín Svanhildur Ólafsdóttir kennari fjallar um Stighækkandi opinberun eins og hún birtist í Biblíunni

Sigurður Ingi Ásgeirsson: Viðhorf Bahá'ía til Kristinnar trúar

Sigurður Ingi Ásgeirsson kennari og kvikmyndagerðarmaður ræðir um afstöðu bahá'ía til kristinnar trúar.

Ómar Annisius: "Fólk á flótta"

Ómar Annisius lögreglumaður ræðir um flóttamannavandann í ljósi bahá'í kenninganna.

Svanur Gísli Þorkelsson: "Ný alheimsskipan og alþjóðahyggja"

 Erindi sem Svanur Gisli Þorkelsson flutti á opnu húsi á netinu og umræðurnar sem fylgdu í kjölfarið.

Ólafur Eðvarðsson: "Þjáningar"

Ólafur Eðvarðsson ræðir um efnið "þjáningar" í ljósi bahá'í kenninga.

Douglas Martin ræðir þróun bahá'í trúarinnar

Douglas Martin, fyrrverandi meðlimur Allsherjarhús réttvísinnar, ávarpar íslenska bahá'ía. Aðeins á ensku.

Bahá'í tónlist kynnt

Svanur Gísli Þorkelsson fjallar um hlutverk tónlistar í bahá'í trúnni og kynnir tónlist sem samin hefur verið í anda málstaðarins, bæði hér á landi og erlendis.

Rúhíyyih Khánum heimsækir Ísland

Rúhíyyih Rabbání (8. ágúst 1910 – 19. janúar 2000), sem hét réttu nafni Mary Sutherland Maxwell, en er best þekkt sem Amatu'l-Bahá Rúhíyyih Khánum, var eiginkona Shoghi Effendi, Verndara bahá'í trúarinnar frá 1921 to 1957. Árið 1952, var hún útnefnd Hönd Málstaðar Guðs, sem fól í sér starf við útbreiðslu og vernd bahá'í trúarinnar. Hún ferðaðist til mjög margra landa til að útbreiða kenningar trúarinnar og styrkja bahá'í samfélögin. Þessar upptökur voru gerðar þegar hún heimsótti Ísland 25. og 26. september 1982. Þýðingu önnuðust Svana Einarsdóttir og Ólafur Haraldsson.

Adib Taherzadeh í Munaðarnesi árið 1977

Adib Taherzadeh ræðir um kennslu bahá'í trúarinnar. Eðvarð T. Jónsson þýðir á íslensku. 7 klukkustundir. Hljóðskrá. Adib var frá Yazd í Persíu. Hann heimsótti Ísland sem álfuráðgjafi. Seinna var hann kosinn til Allsherjarhúss réttvísinnar, æðstu stjórnstofnunar bahá'í trúarinnar og þjónaði þeirri stofnun til dauðadags. Adib var afkastamikill fræðimaður. Eftir hann liggja meðal annars 4 bindi ritraðarinnar "The Revelation of Bahá'u'lláh".

Ráðstefna í tilefni af útkomu ávarpsins "Fyrirheit um heimsfrið"

Betty Reed álfuráðgjafi kynnir ávarpið "Fyrirheit um heimsfrið" sem kom út á alþjóðlegu friðarári Sameinuðu þjóðanna árið 1986. Sveinn Magnússon þýðir.

Tónlist og trúarbrögð

Dagskrárgerð: Salbjörg Hotz. Lesarar með henni Sigurður Ingi Jónsson og Sigurður Ingi Ásgeirsson. Þátturinn var hluti af útvarpsþáttum sem bahá'í samfélagið stóð að á útvarpsstöðinni Rót fyrir mörgum árum síðan.

Rætt við Barböru Thinat og Svönu Einarsdóttur

Barbara Thinat og Svana Einarsdóttir segja frá því hvernig bahá'í trúin hefur mótað líf þeirra. Dagskrárgerð: Sigurður Ingi Ásgeirsson. Þátturinn var á dagskrá útvarpsstöðvarinnar Rótar fyrir mörgum árum.

Óskar Guðnason

Óskar Guðnason kennari, tónlistarmaður og listmálari segir frá ýmsu áhugaverðu sem hefur á daga hans drifið sem bahá'íi. Til dæmis þegar hann starfaði sem garðyrkjumaður við bahá'í heimsstöðina eða þegar hann söng í kór við vígslu bahá'í tilbeiðsluhússins á Indlandi. 

Írskur bahá'íi heimsækir trúsystkini sín á Íslandi

John McGill ungur bahá'íi frá Írlandi heimsótti trúsystkini sín á Íslandi á níunda áratugnum. Tekið var viðtal við hann á útvarpsstöðinni Rót. Dagskrárgerð annaðist Sigurður Ingi Ásgeirsson.

Ævi og kenningar Bahá'u'lláh

Árið 2017 voru 200 ár liðin frá fæðingu Bahá‘u‘lláh, opinberanda bahá'í trúarinnar. Í tilefni þess lét Andlegt ráð bahá'ía í Reykjavík útbúa fyrirlestra um líf hans og kenningar. Fjórir  þeirra eru hér fyrir neðan.

1. hluti: Hinn fyrirheitni dagur nálgast - Æskuár Bahá'u'lláh. 2. hluti: Dögun – Bábí tímabilið. 3. hluti: Dýrð Guðs – Bagdað og opinberunin. 4. hluti: Konstantínópel og Adríanópel.