Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Bahá’í heimsfréttaþjónustan hefur sett upp sérstaka myndbandsvefsíðu
31. ágúst 2023
Höfundur: Þjóðarskrifstofa
Myndbandavefsíðan býður upp á að skoða myndbönd út frá útgáfudegi eða mismunandi þemum.
Bahá’í heimsmiðstöðin — Bahá’í heimsfréttaþjónustan kynnir sérstaka vefsíðu fyrir myndbönd. Á vefsíðunni er að finna alla myndbandaframleiðslu hennar — stutt myndbönd, heimildarmyndir, myndbandshlaðvörp og fleira. Öll myndböndin fjalla um þróun alþjóðlega bahá’í samfélagsins.
Þeir sem heimsækja þessa nýju vefsíðu geta skoðað myndbönd samkvæmt útgáfudegi eða þemum eins og til dæmis opinberri umræðu, þjóðfélagslegum aðgerðum, tilbeiðsluhúsum, helgidómi ‘Abdu’l‑Bahá og mannréttindum bahá’ía.
Bahá’í heimsfréttaþjónustan var stofnuð árið 2000 og birtir umhugsunarverðar og hvetjandi frásögur um þá innsýn sem fengist hefur í viðleitni bahá’í samfélagsins um allan heim til að stuðla að þjóðfélagslegum framförum. Fréttaþjónustan er nú aðgengileg á fimm tungumálum — ensku, frönsku, persnesku, rússnesku og spænsku.
Auk vefsíðunnar er fréttaþjónustan einnig aðgengileg í farsímum (Android og iOS), á Facebook, Instagram, X (áður Twitter) og YouTube og einnig í tölvupóstáskrift.
[Þýtt af Eðvarði T. Jónssyni]
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
