Þrjú af undirstöðuritum bahá'í trúarinnar koma út í íslenskri þýðingu
4. febrúar 2021
Höfundur: siá
Þrjú af undirstöðuritum baháʼí trúarinnar eru komin út í íslenskri þýðingu. Hið fyrsta er Kitáb-i-Aqdas, helgasta bók Bahá’u’lláh. Aqdas er móðurbók baháʼí opinberunarinnar og hefur verið lýst sem „sáttmála framtíðarmenningar“ mannkynsins. Hún er höfuðuppretta baháʼí laga og stofnana og í henni fjallar Bahá’u’lláh um grundvallarreglur trúarinnar, siðfræði, dulspeki, félagslegar meginreglur og spádóma
Þá kemur út ritið Sáttmálinn en þar er að finna Bók sáttmálans (Kitáb-i-‘Ahd) og erfðaskrá ‘Abdu’l-Bahá.
Erfðaskrá ‘Abdu’l-Bahá er eitt af undirstöðuritum baháʼí trúarinnar og nátengd helgustu bók Bahá’u’lláh, Kitáb-i-Aqdas. Hún er ein af þremur stofnskrám baháʼí stjórnskipunar ásamt Töflu Karmels og Töflum hinnar guðlegu áætlunar. Í erfðaskránni er lagður grunnur að stofnunum baháʼí trúarinnar, tengsl þeirra skilgreind, skjaldborg slegin um réttindi allra manna og kveðið á um valdsumboð og skyldur. Erfðaskránni er því lýst sem stofnskrá heimssiðmenningar og mannréttindasáttmála alls mannkyns.
Mikilvægt er að sem flestir geti eignast þessar bækur og fengið þær í hendur sem fyrst og því hefur Þjóðarráðið ákveðið að söluverð á Kitáb-i-Aqdas verði aðeins 4000 kr. Þjóðarráðið ákvað einnig að landssjóður beri sendingakostnað út á land fram að Naw-Rúz þannig að verðið heimkomið verði það sama óháð búsetu. Samfélög eru hvött til að taka sig saman til að lágmarka flutningskostnað. Söluverð á síðara ritinu, Sáttmálinn, verður 2000 kr.
Fréttir frá Bahá'í World News Service
20.04.2026
Volume draws together selections from the Writings of Bahá’u’lláh and the Writings and utterances of ‘Abdu’l-Bahá, including several newly translated excerpts in English.
16.04.2026
The opening of the BIC Cairo Office’s new premises brought together social actors to explore deeper dimensions of the equality of women and men.
10.04.2026
BIC delegation at CSW70 explores how justice for women and girls, beyond legal access, requires shared moral commitment from individuals, communities, and institutions.