BIC NEW YORK — Skrifstofa Alþjóðlega bahá’í samfélagsins (BIC) hefur sent frá sér stutt myndband undir yfirskriftinni „Gagnkvæmum tengslum tekið opnum örmum: Undirstöður heims á umbreytingaskeiði“.
Þvertrúarlegt dagatal fyrir árið 2024 er komið út
12. janúar 2024
Höfundur: Þjóðarskrifstofa
Samráðsvettvangur trúfélaga hefur gefið út þvertrúarlegt dagatal fyrir árið 2024.
Samráðsvettvangur trú- og lífsskoðunarfélaga á Íslandi hefur gefið út dagatal með helgi- og hátíðisdögum trúfélaganna.
Í tilkynningu frá séra Jakobi Rolland, talsmanni samráðsvettvangsins kemur fram að öll félögin sem standa að samráðsvettvanginum, 27 að tölu, standi að baki útgáfunni. Hönnuður er Geoffrey Pettypiece.
Ennfremur segir í tilkynningunni að með útgáfunni sé „leitast við að miðla upplýsingum til almennings, sem geta nýst á margvíslegan hátt í fjölmenningarþjóðfélagi nútímans. Megi þetta átak stuðla að samheldni samfélagsins á Íslandi með umburðarlyndi og gagnkvæma virðingu að leiðarljósi.“
Öllum er velkomið að nota dagatalið og dreifa því að vild. Hlekkur á það er hér fyrir neðan:
Fréttir
18.09.2024
BIC NEW YORK – Í tilefni af leiðtogafundi framtíðarinnar sem haldinn verður síðar í þessum mánuði hefur Alþjóðlega bahá’í samfélagið (BIC) sent frá sér yfirlýsingu sem ber yfirskriftina „Gagnkvæmum tengslum tekið opnum örmum: Undirstöður heims á umbreytingarskeiði“. Í yfirlýsingunni er lögð áhersla á að alþjóðasamfélaginu gefist einstætt tækfæri til að láta gagnkvæm tengsl mannkyns skipa öndvegi í stjórnun alþjóðamála og til þess beri brýna nauðsyn.
04.09.2024
Bahá’í heimsmiðstöðin – Allsherjarhús réttvísinnar hefur tilkynnt í nýlegu bréfi til allra andlegra þjóðarráða að ráðist verði í umtalsverða uppbyggingu og endurbætur á helgidómi Bábsins og í nágrenni hans. Helgidómurinn umlykur jarðneskar leifar Bábsins og er vettvangur pílagrímsferða og þögullar íhugunar þúsunda gesta á hverju ári.
28.07.2024
Tvö bahá'í ungmenni frá Íslandi, þau Matthildur Amalía Marvinsdóttir og Chadman Naimy, taka þátt í bahá'í ungmennaráðstefnu í Staffordshire á Englandi.
17.07.2024
Um 50 börn, unglingar og fullorðnir mættu á sumarmót bahá’ía sem haldið var í Reykhólaskóla helgina 5. – 8. júlí síðastliðinn. Að venju var fræðsla fyrir börn, unglinga og fullorðna. Á laugardeginum var farið til Skóga í Þorskafirði þar sem bahá’íar standa að skógrækt í samvinnu við Skógræktina. Þar plöntuðu ungir sem aldnir 400 trjám.
