Þegar heimsfaraldurinn magnaðist í Kólombíu varð fólk uggandi um ýmsa þætti daglegs lífs. FUNDAEC, innlend samtök sem eru innblásin af Bahá'í hugsjóninni, gerðu sér grein fyrir því að neyðin mundi hafa varanlegar afleiðingar í för með sér og veltu því fyrir sér hvernig þau gætu orðið þjóðfélaginu að liði á hagnýtan hátt á þessum erfiðu tímum.
Barnakennsla
Börn í bahá'í barnakennslu í Reykjanesbæ
„Lítið á manninn sem námu fulla af ómetanlegum gimsteinum. Aðeins menntun getur fengið hana til að opinbera fjársjóði sína og gert mannkyni kleift að njóta góðs af þeim“ - Bahá'u'lláh
Börnin eru framtíð samfélagsins og því líta bahá’íar svo á að andleg uppfræðsla þeirra sé mikilvægasta þjónustan sem hægt er að veita. Bahá’í samfélagið býður upp á barnakennslu sem öllum stendur til boða, þar sem hægt er að koma því við.
Barnakennsla í Reykjavík árið 2018
Tilgangur kennslunnar er að hjálpa börnunum að tileinka sér dyggðir og laða fram þá ómetanlegu gimsteina sem í þeim búa. Kennslan felur í sér ýmiss konar lærdómsþætti: Tilvitnanir eru lagðar á minnið, lög sem tengjast námsefninu eru sungin, sögur eru sagðar, farið er í leiki og myndir eru litaðar eða teiknaðar.
Kennararnir hafa hlotið sérstaka þjálfun, sem hjálpar þeim að auka skilning sinn á andlegum meginreglum varðandi uppfræðslu barna.
Ef þú vilt að barnið þitt fái tækifæri til að sækja þessa kennslu, hafðu þá samband við bahá'ía á þínum stað eða bahá'í skrifstofuna, Kletthálsi 1. Síminn þar er 567 0344. Þú getur líka sent okkur tölvupóst á netfangið: bahai[hjá]bahai.is
Bahá'í barnakennsla í íbúahverfi í Broome, vestur Ástralíu. Enskt tal.
- English
- Íslenska
Fréttir
31.07.2020
Sumarskóla barna og unglinga sem átti að halda á næstu dögum hefur verið aflýst vegna covid19 faraldursins.
31.07.2020
Alþjóðlega bahá'í samfélagið var rétt í þessu að staðfesta að sex frammámenn meðal bahá'ía hafi verið leystir úr fangelsi eftir að yfirvöld húta í Sana’a, Jemen, hafði haft þá í haldi fyrir rangar sakargiftir í allmörg ár.
10.07.2020
Andlegt þjóðaráð bahá'ía í landinu hefur gefið út ávarp um jafnrétti kvenna og karla, þar sem það lætur í ljósi áhyggjur yfir því ástandi sem hefur farið hríðversnandi frá því að heimsfaraldurinn skall á.
