Um síðustu helgi lauk 53. landsþingi bahá’ía á Íslandi sem náði hápunkti með kosningu Andlegs þjóðarráðs bahá’ía Íslandi síðdegis á laugardag. Nítján fulltrúar frá sjö kjördæmum kusu á þinginu í bænaranda og eftir hugleiðslu, án nokkurs kosningaáróðurs eða stuðningsöflunar. Allir fullorðnir bahá’íar búsettir á Íslandi sem náð hafa 21 árs aldri eru í kjöri.
Innsýn frá vettvangi: Samspil tækni, gilda og samfélags kannað í hlaðvarpi
12. desember 2023
Höfundur: Þjóðarskrifstofa
BAHÁ’Í HEIMSMIÐSTÖÐIN — Hvernig tryggjum við að gildi okkar, vonir okkar og þarfir séu samþættar í hönnun, þróun og notkun tækninnar?
Þetta var meðal spurninga sem Matt Weinberg, tæknifræðingur frá Bandaríkjunum, kannaði í þessum hlaðvarpsþætti sem tekinn var upp á nýlegri samkomu við Bahá’í heimsmiðstöðina um þróun samfélaga.
Matt Weinberg fjallar um hvernig hægt sé að samþætta gildi okkar, vonir okkar og þarfir í notkun tækninnar.
Weinberg deilir hugmyndum úr grein sinni Technology, Values, and the Shaping of Social Reality (Tækni, gildismat og mótun félagslega raunveruleika), sem birt var á vef Bahá’í heimssamfélagsins.
„Heildarsýn tækniþróunar getur ekki komið frá tækninni sjálfri,“ segir Weinberg. „Tækni er tjáning mannlegrar getu. Hún miklar mannlegan ásetning, hún eykur getu okkar, eykur hæfni okkar, en hún hefur ekki ... nauðsynlega eðlislæga eiginleika eða fulltingi sem við höfum,“ segir hann.
Þessi skoðun kallar á aukna hugmynd um dómgreind, sem Weinberg segir að ætti að vera upplýst af bæði skynsemi og andlegu innsæi. „Í bahá’í trúnni,“ segir hann, „er þessi hugmynd beinlínis sett fram sem meginreglan um samræmi milli vísindalegrar og trúarlegrar þekkingar.“
Þessi meginregla, segir hann, leggur áherslu á að þegar tækni hefur siðferðilegan skilning og andleg gildi að leiðarljósi getur hún stuðlað með þýðingarmiklum hætti að samfélagslegri velmegun og framgangi siðmenningar.
„Þekkingin sem við þurfum til að sækja fram er margvísleg,“ heldur hann áfram, „Við þurfum ekki aðeins aðferðafræði og kenningar, tækni og líkön, heldur þurfum við líka gildi ... og innsýn sem streymir frá skilningi á því að við erum í raun, andlegar verur; að við höfum tilgang með því að leggja okkar af mörkum til að byggja upp lífshætti sem eru réttlátir og friðsamir.“
Vertu áskrifandi að hlaðvarpi Bahá'í heimsfréttaþjónustunnar.
RSS | Spotify | Apple Podcasts | SoundCloud | Tunein | iHeart | Stitcher
Sumarmót 2024
Bahá’í sumarmót verður haldið dagana 5. - 8. júlí 2024 í Reykhólaskóla.
Fréttir
02.02.2024
ALÞJÓÐLEGA BAHÁ’Í SAMFÉLAGIÐ, GENF — Yfir 150 íranskir mannréttindafrömuðir og aðgerðasinnar á sviði stjórn- og þjóðfélagsmála hafa undirritað öfluga opinbera yfirlýsingu (á persnesku með enskri þýðingu) þar sem þeir fordæma „nýja handtökubylgju gegn bahá’íum og hvernig brotið er á grundvallarmannréttindum og borgaralegum réttindum þeirra.“
23.01.2024
PORT MORESBY, Papúa Nýju-Gíneu — Í nýja bahá’í tilbeiðsluhúsinu í Papúa Nýju-Gíneu (PNG), mynda 432 timburplötur, sem innlendir handverksmenn hafa skorið út, ramma um þær níu dyr sem brátt munu standa fjölbreyttum ættflokkum landsins opnar.
23.01.2024
PATNA, Indlandi — Í nýlegri heimsókn til Bahá’í heimsmiðstöðvarinnar ræddi Bhavna Anbarasan, meðlimur Álfuráðs Asíu, við heimsfréttaþjónustuna um hvernig samfélagsuppbygging í þorpum í Bihar-fylki á Indlandi er að skapa nýja jafnréttismenningu.
16.01.2024
Bahá’í útgáfan hefur gefið út nýja samantekt sem ber heitið Skipan komið á heiminn – Uppbygging og varðveisla traustra hjónabanda. Samantektin var unnin af Rannsóknadeild Allsherjarhúss réttvísinnar og kom út í ágúst 2023 á ensku.
