Ráðstefnan "Trú fyrir jörðina - Fjöltrúarlegar aðgerðir" /"Faith for Nature- Multi-Faith Action" var haldin dagana 5.-8. október með Skálholt sem miðstöð. Fjögurhundruð og sextíu þátttakendur frá 60 löndum ræddu saman á skjáfundum í fjóra daga og þúsundir um allan heim hlýddu á ávörp trúarleiðtoga.
Aðalfulltrúi Bahá'í heimssamfélagsins við Sameinuðu þjóðirnar Bani Dugal ávarpar ráðstefnuna
Skálholt var miðstöð ráðstefnunnar fyrir alþjóðlegt streymi og niðurstöður umræðna á fimm heimssvæðum (Asíu, Ástralíu, Afríku, Evrópu , Norður og Suður Ameríku). Á vefsíðunni Faithfornature.org er að finna niðurstöður ráðstefnunnar, myndbönd og skjöl sem henni tengjast.
Breiður hópur trúaðra einstaklinga og vísindamanna var virkur á ráðstefnunni eins og endurspeglaðist í sérstökum pallborðsumræðum á síðasta degi ráðstefnunnar, sem Ólafur Ragnar Grímsson, fyrrum forseti Íslands, stýrði.
Í ályktun ráðstefnunnar er lýst yfir vilja samtaka með trúarlegan bakgrunn til þess að taka höndum saman við Umhverfisstofnun Sameinuðu þjóðanna. Guðmundur Ingi Guðbrandsson, umhverfis- og auðlindaráðherra, sagðist á ráðstefnunni myndu fylgja ályktuninni eftir á norrænum vettvangi og gagnvart Sameinuðu þjóðunum.
Halldór Þorgeirsson fulltrúi Bahá'í samfélagsins les ályktunina upp við lokaathöfn ráðstefnunnar.
Bahá'í samfélagið kom að undirbúningi og stjórnun ráðstefnunnar í samvinnu við Þjóðkirkjuna, Landgræðsluna og félag Sameinuðu þjóðanna auk þess sem ríkistjórnin studdi ráðstefnuna fjárhagslega.
ALÞJÓÐLEGA BAHÁ’Í SAMFÉLAGIÐ, GENF — Yfir 150 íranskir mannréttindafrömuðir og aðgerðasinnar á sviði stjórn- og þjóðfélagsmála hafa undirritað öfluga opinbera yfirlýsingu (á persnesku með enskri þýðingu) þar sem þeir fordæma „nýja handtökubylgju gegn bahá’íum og hvernig brotið er á grundvallarmannréttindum og borgaralegum réttindum þeirra.“
PORT MORESBY, Papúa Nýju-Gíneu — Í nýja bahá’í tilbeiðsluhúsinu í Papúa Nýju-Gíneu (PNG), mynda 432 timburplötur, sem innlendir handverksmenn hafa skorið út, ramma um þær níu dyr sem brátt munu standa fjölbreyttum ættflokkum landsins opnar.
PATNA, Indlandi — Í nýlegri heimsókn til Bahá’í heimsmiðstöðvarinnar ræddi Bhavna Anbarasan, meðlimur Álfuráðs Asíu, við heimsfréttaþjónustuna um hvernig samfélagsuppbygging í þorpum í Bihar-fylki á Indlandi er að skapa nýja jafnréttismenningu.
Bahá’í útgáfan hefur gefið út nýja samantekt sem ber heitið Skipan komið á heiminn – Uppbygging og varðveisla traustra hjónabanda. Samantektin var unnin af Rannsóknadeild Allsherjarhúss réttvísinnar og kom út í ágúst 2023 á ensku.