Perlan ómetanlega (titill á frummáli: The Priceless Pearl) er nú aðgengileg á vefbókasafninu í PDF formi, með efnisyfirliti, atriðisorðum og öllum myndum.. Hönd málstaðarins Rúḥíyyih Rabbání, e.t.v. betur þekkt sem Rúḥíyyih Khánum, er höfundur bókarinnar, og fjallar hún ítarlega um ævi og störf Verndara trúarinnar, Shoghi Effendi. Bókina þýddi Eðvarð Taylor Jónsson og var hún fyrst gefin út á íslensku af Bahá'í útgáfunni árið 2015.
Bókin er sú fyrsta til að birtast á vefbókasafninu undir kaflanum „Aðrar bahá’í bókmenntir“: „Verk einstakra höfunda“. Fleiri bækur eru væntanlegar.
ALÞJÓÐLEGA BAHÁ’Í SAMFÉLAGIÐ, GENF — Yfir 150 íranskir mannréttindafrömuðir og aðgerðasinnar á sviði stjórn- og þjóðfélagsmála hafa undirritað öfluga opinbera yfirlýsingu (á persnesku með enskri þýðingu) þar sem þeir fordæma „nýja handtökubylgju gegn bahá’íum og hvernig brotið er á grundvallarmannréttindum og borgaralegum réttindum þeirra.“
PORT MORESBY, Papúa Nýju-Gíneu — Í nýja bahá’í tilbeiðsluhúsinu í Papúa Nýju-Gíneu (PNG), mynda 432 timburplötur, sem innlendir handverksmenn hafa skorið út, ramma um þær níu dyr sem brátt munu standa fjölbreyttum ættflokkum landsins opnar.
PATNA, Indlandi — Í nýlegri heimsókn til Bahá’í heimsmiðstöðvarinnar ræddi Bhavna Anbarasan, meðlimur Álfuráðs Asíu, við heimsfréttaþjónustuna um hvernig samfélagsuppbygging í þorpum í Bihar-fylki á Indlandi er að skapa nýja jafnréttismenningu.
Bahá’í útgáfan hefur gefið út nýja samantekt sem ber heitið Skipan komið á heiminn – Uppbygging og varðveisla traustra hjónabanda. Samantektin var unnin af Rannsóknadeild Allsherjarhúss réttvísinnar og kom út í ágúst 2023 á ensku.