Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Bahá'í sumarmótið í Flóahreppi 2025
Félagsheimli Flóamanna - Félagslundur
Sumarmót bahá'ía fer að þessu sinni fram í félagsheimilinu Félagslundi í Flóahreppi á Suðurlandi dagana 25. - 27. júlí. Eins og síðast verður mótið í ættarmótastíl þar sem þátttakendur sjá sjálfir um hádegismat og kaffi en boðið verður upp á hafragraut í morgunmat og einnig verða sameiginlegar kvöldmáltíðir.
Hægt er að tjalda fyrir utan félagsheimilið eða sækja um herbergi í Gaulverjaskóla sem er næsta hús við félagsheimilið. Herbergi eru þó takmörkuð og verður þeim úthlutað samkvæmt tilteknum reglum og verður að senda inn umsókn fyrir 22. maí. Annars þurfa þátttakendur að finna gistingu í nágrenninu en einnig geta þátttakendur af höfuðborgarsvæðinu og nágrenni keyrt á milli.
Dagskráin er enn í mótun en hún mun samanstanda af fræðslu, félagslegri samveru, andlegri upplyftingu, gleði og leik.
Nánari uppýsingar um mótið og skráningareyðublað má nálgast hér:
Gaulverjaskóli
Staðsetning - Félagslundur og Gaulverjaskóli
Leið frá Reykjavík að Félagslundi
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
