Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Fyrirheit um heimsfrið endurútgefið
24. febrúar 2017
Höfundur: rbadi76
Kápa nýrrar útgáfu af fyrirheiti um heimsfrið
Bahá'í útgáfan hefur endurútgefið yfirlýsingu Allsherjarhúss réttvísinnar frá 1985, sem nefnist Fyrirheit um heimsfrið. Allsherjarhús réttvísinnar er yfirstjórn Bahá'í trúarinnar, með aðsetur á Karmelfjalli í borginni Haifa í Ísrael. Þessi yfirlýsing er einstæð í sögu Bahá'í trúarinnar því henni er beint til þjóða heimsins og inniheldur bæði fyrirheit og varnaðarorð til alls mannkyns. Með því að kynna áhrifafólki á öllum sviðum þjóðlífsins þessa yfirlýsingu hafa bahá'íar viljað leggja sitt af mörkum til að gera að veruleika þrá alls mannkyns eftir friði og farsæld á jörð. Nýju útgáfuni fylgir inngangur og bætt heftur verið við fyrirsögnum og millifyrirsögnum til að auðvelda lesskilning.
Stríð hafa gegnum aldirnar verið eitt mesta böl mannkynsins. Menn bundu miklar vonir við að stofnun Sameinuðu þjóðanna myndi vísa mannkyninu veginn til friðar en fjömörg skref eru greinilega enn óstigin á þeirri vegferð. Um síðustu áramót voru 30 ár liðin frá Alþjóðlegu friðarári Sameinuðu þjóðanna. Á sínum tíma lagði Allsherjarhús réttvísinnar, fram í tilefni Friðarársins yfirlýsinguna Fyrirheit um heimsfrið. Þrátt fyrir að liðin séu 30 ár frá því að Fyrirheit um heimsfrið var fyrst gefið út er innihaldið jafn beinskeytt og mikilvægt og þær undirstöður varanlegs friðar, sem þar er bent á, kannski enn augljósari þeim sem lesa yfirlýsinguna í dag en fyrir 30 árum.
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
