BIC NEW YORK — Skrifstofa Alþjóðlega bahá’í samfélagsins (BIC) hefur sent frá sér stutt myndband undir yfirskriftinni „Gagnkvæmum tengslum tekið opnum örmum: Undirstöður heims á umbreytingaskeiði“.
Stjórn Alþjóðlegu bahá'í þróunarstofnunarinnar hefur starf
19. febrúar 2019
Höfundur: siá
Stjórnarmeðlimir Alþjóðlegu bahá'í þróunarstofnunarinnar voru útnefndir til fimm ára. Þeir eru (frá vinstri) Sina Rahmanian, Lori McLaughlin Noguchi, Maame Brodwemaba Nketsiah, Elisa Caney og George Soraya. Þau héldu sinn fyrsta fund nýlega í Bahá'í heimsmiðstöðinni.
BAHÁ'Í HEIMSMIÐSTÖÐINNI, 25. janúar 2019, (BWNS) — Stjórn Alþjóðlegu bahá'í þróunarstofnunarinnar hefur komið saman til fundar í fyrsta sinn. Allsherjarhús réttvísinnar tilkynnti um myndun þessarar nýju stofnunar þann 9. nóvember síðastliðinn. Fimm manna stjórn þróunarstofnunarinnar hélt sinn fyrsta fund í janúar og hóf að undirbúa starfið framundan.
Þróunarstarf hefur aukist mikið innan bahá'í samfélaga síðastliðin 35 ár og tekið á sig skýrari mynd. Fjöldinn allur af þróunarstofnunum sem eru innblásnar af kenningum bahá'í trúarinnar hafa litið dagsins ljós út um allan heim. Þessi þróunarverkefni eru margs konar, til dæmis á sviði menntamála, læsis, heilbrigðismála og umhverfismála. Þau fela í sér aðstoð við flóttamenn, snúa að kvenréttindamálum, eflingu unglingastarfs, afnámi kynþáttafordóma, landbúnaði, efnahagsmálum og þróun sveitaþorpa. Þróunarstofnunin mun vinna að þessum þjóðþrifamálum í stærra samhengi og af meiri krafti. Stofnaður hefur verið sérstakur sjóður til að efla þetta starf.
Fréttir
18.09.2024
BIC NEW YORK – Í tilefni af leiðtogafundi framtíðarinnar sem haldinn verður síðar í þessum mánuði hefur Alþjóðlega bahá’í samfélagið (BIC) sent frá sér yfirlýsingu sem ber yfirskriftina „Gagnkvæmum tengslum tekið opnum örmum: Undirstöður heims á umbreytingarskeiði“. Í yfirlýsingunni er lögð áhersla á að alþjóðasamfélaginu gefist einstætt tækfæri til að láta gagnkvæm tengsl mannkyns skipa öndvegi í stjórnun alþjóðamála og til þess beri brýna nauðsyn.
04.09.2024
Bahá’í heimsmiðstöðin – Allsherjarhús réttvísinnar hefur tilkynnt í nýlegu bréfi til allra andlegra þjóðarráða að ráðist verði í umtalsverða uppbyggingu og endurbætur á helgidómi Bábsins og í nágrenni hans. Helgidómurinn umlykur jarðneskar leifar Bábsins og er vettvangur pílagrímsferða og þögullar íhugunar þúsunda gesta á hverju ári.
28.07.2024
Tvö bahá'í ungmenni frá Íslandi, þau Matthildur Amalía Marvinsdóttir og Chadman Naimy, taka þátt í bahá'í ungmennaráðstefnu í Staffordshire á Englandi.
17.07.2024
Um 50 börn, unglingar og fullorðnir mættu á sumarmót bahá’ía sem haldið var í Reykhólaskóla helgina 5. – 8. júlí síðastliðinn. Að venju var fræðsla fyrir börn, unglinga og fullorðna. Á laugardeginum var farið til Skóga í Þorskafirði þar sem bahá’íar standa að skógrækt í samvinnu við Skógræktina. Þar plöntuðu ungir sem aldnir 400 trjám.
