Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Hátíðahöld á Íslandi
21. október 2017
Höfundur: rbadi76
Í ár eru 200 ár liðin frá fæðingu Bahá'u'lláh
Bahá’íar á Íslandi minnast fæðingar Bahá’u’lláh á morgun, sunnudaginn 22. október, víða um land, en hátíðahöldin verða sérstaklega vegleg vegna þess að nú eru 200 ár liðin frá fæðingu Hans. Allir eru velkomnir að taka þátt í hátíðahöldunum meðan húsrúm leyfir. Samkvæmt okkar upplýsingum verða hátíðir á landinu sem hér segir:
Akureyri: Bahá’íar á Akureyri bjóða til kvikmyndakynningar í heimahúsi að Undirhlíð 3 hjá Böðvari og Elsu kl. 14:00. Kaffiveitingar á eftir.
Hafnarfjörður: Bahá'íar í Hafnarfirði bjóða til kvikmyndakynningar og kaffiveitinga í Bæjarbíói, Strandgötu, kl. 15:00.
Ísafjörður: Bahá’íar á Ísafirði bjóða til helgistundar og veitinga í heimahúsi klukkan 15:00. Áhugasamir hafi samband við Dagnýju í síma 866-5316.
Kópavogur: Bahá’íar í Kópavogi bjóða til helgistundar og kvikmyndakynningar í heimahúsi kl. 14:00. Áhugasamir hafi samband við Róbert í síma 843-0545.
Reykjanesbær: Bahá'íar í Reykjanesbæ bjóða til kvikmyndasýningar á myndinni „Ljós fyrir heiminn“ í Berginu (Hljómahöllinni), sunnudaginn 22. október. Myndin er með íslenskum texta. Húsið opnar kl. 16. Kvikmyndasýningin hefst 16.30 og boðið er upp á kaffi og veitingar á eftir.
Reykjavík: Bahá'íar í Reykjavík bjóða til veislu í Gamla Bíói, Ingólfsstræti 2a, kl. 14:30.
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
