Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
Beinar útsendingar frá sex tilbeiðsluhúsum á netinu
21. október 2017
Höfundur: siá
Beinar útsendingar og svipmyndir á nýjum vef
BAHÁ'Í HEIMSMIÐSTÖÐIN, 20. október, 2017, (BWNS) — Þegar sólin settist á kyrrahafseyjunni Kiribati fyrir stuttu síðan hófst hnattvíð hátíð til að fagna því að 200 ár eru liðin frá fæðingu Bahá'u'lláh.
Meðan á þessu tímabili stendur—sem varir í 72 klukkustundir og hefst á Kiribati þann 20. október og endar við sólsetur á Hawaii þann 22. október- verða haldnar hátíðarsamkomur á þúsundum staða hringinn í kringum heiminn.
Beinar útsendingar verða á opinberum vef tvö hundruð ára hátíðarhaldanna (https://bicentenary.bahai.org/) frá samkomum í sex bahá'í tilbeiðsluhúsum. Fyrsta útsendingin verður frá tilbeiðsluhúsinu í Nýju Delhi, Indlandi og hefst í dag kl. 13 GMT. Dagskrá beinu útsendingarinnar er hægt að nálgast á heimasíðunni.
Svipmyndir af hátíðarhöldunum verða einnig á opinberu vefsíðunni. Þar verður að finna sögur, ljósmyndir og myndbönd. Með reglulegu millibili verða frásagnir af listrænum uppákomum, þjónustuverkefnum, minningarathöfnum, samræðum við frammámenn og öðrum viðburðum sem eiga sér stað um víða veröld til að fagna ævi og kenningum Bahá'u'lláh.
“Nú þegar heimurinn stendur andspænis sínum mestu áskorunum fram til þessa, heiðrum við minningu Bahá'u'lláh, er fæddist fyrir tvö hundruð árum... en kenningar Hans munu vísa veginn til þess fyrirheitna tíma, sem svo lengi hefur verið beðið, þegar allur mannheimur mun búa hlið við hlið í friði og einingu,” skrifaði Allsherjarhús réttvísinnar í skilaboðum sínum frá október 2017 að þessu tilefni.
Hátíðarhöldin eru haldin til að minnast fæðingar bæði Bahá'u'lláh, sem fæddist fyrir tvö hundruð árum árið 1817 og Bábsins – fyrirrennara opinberunar Bahá'u'lláh, sem fæddist 1819. Þessir tveir helgidagar eru haldnir hátíðlegir í beinu framhaldi hver af öðrum, sem ein árleg hátíð.
Dagskráin á vefsíðu hátíðarhaldanna hefst fljótlega eftir klukkan 8:00 (GMT) þann 20. október og endar klukkan 4:00, 23. október. Þetta er í fyrsta sinn sem fluttar eru frásagnir af atburðum um víða veröld, til að halda upp á fæðingu Bahá'u'lláh. Heimasíðan mun tengja heiminn saman með því að sýna frá þúsundum hátíðarhalda.
Slóðin á heimasíðuna er: https://bicentenary.bahai.org/
Sumarmót 2025
Bahá’í sumarmót verður haldið dagana 25. - 27. júlí 2025 í Félagslundi í Flóahreppi.
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
