BIC NEW YORK — Skrifstofa Alþjóðlega bahá’í samfélagsins (BIC) hefur sent frá sér stutt myndband undir yfirskriftinni „Gagnkvæmum tengslum tekið opnum örmum: Undirstöður heims á umbreytingaskeiði“.
Listaviðburðurinn Saga okkar er ein
7. júní 2024
Höfundur: Þjóðarskrifstofa
Konurnar tíu sem teknar voru af lífi árið 1983 í Shíraz, Íran.
Þessa helgi fer fram listaviðburðurinn Saga okkar er ein í bahá’í þjóðarmiðstöðinni að Kletthálsi 1 í Reykjavík. Að viðburðinum stendur hópur bahá’ía og vina þeirra sem tóku sig saman til að svara ákalli Alþjóðlega bahá’í samfélagsins (BIC) til að heiðra baráttu og þrautseigju kvenna í Íran fyrir réttlæti og frelsi undir myllumerkinu #OurStoryIsOne.
Flutt verður tónlist, farið með ljóð og sýnd listaverk af ýmsu tagi en verkin voru sérstaklega samin eða sköpuð fyrir þennan viðburð. Tilefnið er 40 ára ártíð atburða sem áttu sér stað í Shíraz í Íran árið 1983 þegar tíu bahá’í konur voru pyntaðar og teknar af lífi vegna trúar sinnar sem boðar jafnrétti kynjanna.
Viðburðurinn verður haldinn á morgun og hinn, laugardaginn 8. og sunnudaginn 9. júní kl. 13:00 - 17:00 í bahá’í þjóðarmiðstöðinni að Kletthálsi 1. Lifandi flutningur tónlistar og ljóða fer fram kl. 15:00 báða dagana.
Föndur verður í boði fyrir alla aldurshópa.
#OurStoryIsOne #SagaOkkarErEin
Hlekkur á Facebookviðburðinn (event)
Fréttir
18.09.2024
BIC NEW YORK – Í tilefni af leiðtogafundi framtíðarinnar sem haldinn verður síðar í þessum mánuði hefur Alþjóðlega bahá’í samfélagið (BIC) sent frá sér yfirlýsingu sem ber yfirskriftina „Gagnkvæmum tengslum tekið opnum örmum: Undirstöður heims á umbreytingarskeiði“. Í yfirlýsingunni er lögð áhersla á að alþjóðasamfélaginu gefist einstætt tækfæri til að láta gagnkvæm tengsl mannkyns skipa öndvegi í stjórnun alþjóðamála og til þess beri brýna nauðsyn.
04.09.2024
Bahá’í heimsmiðstöðin – Allsherjarhús réttvísinnar hefur tilkynnt í nýlegu bréfi til allra andlegra þjóðarráða að ráðist verði í umtalsverða uppbyggingu og endurbætur á helgidómi Bábsins og í nágrenni hans. Helgidómurinn umlykur jarðneskar leifar Bábsins og er vettvangur pílagrímsferða og þögullar íhugunar þúsunda gesta á hverju ári.
28.07.2024
Tvö bahá'í ungmenni frá Íslandi, þau Matthildur Amalía Marvinsdóttir og Chadman Naimy, taka þátt í bahá'í ungmennaráðstefnu í Staffordshire á Englandi.
17.07.2024
Um 50 börn, unglingar og fullorðnir mættu á sumarmót bahá’ía sem haldið var í Reykhólaskóla helgina 5. – 8. júlí síðastliðinn. Að venju var fræðsla fyrir börn, unglinga og fullorðna. Á laugardeginum var farið til Skóga í Þorskafirði þar sem bahá’íar standa að skógrækt í samvinnu við Skógræktina. Þar plöntuðu ungir sem aldnir 400 trjám.
