Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
13. heimsþingið: Haldið heim á leið. Fulltrúar geisla anda einingar
3. maí 2023
Höfundur: siá
3. maí, 2023
BAHÁ’Í HEIMSMIÐSTÖÐIN — Ferð þátttakenda Bahá‘í heimsþingsins náði hámarki í gærkvöldi þegar þeir héldu upp á Riḍvánhátíðina á helgi grund í kringum helgidóm Bahá'u'llah í Bahjí—mjög hrífandi reynsla sem veitti þeim mikinn innblástur.
Riḍvánhátíðin er bahá‘íum mjög hugleikin, þar eð hún er haldin til minningar um þá daga þegar Bahá'u'lláh, stofnandi trúarinnar, kunngerði opinberlega köllun sína sem boðberi Guðs. Þessi tólf daga hátíð, haldin hátíðleg frá 21. apríl til 2. maí, er tími gleði og íhugunar fyrir bahá‘ía um allan heim. Fulltrúar þingsins sóttu innblástur í anda Riḍván, sem er tákn um afgerandi augnablik einingar og endurnýjunar.
Minningarhátíðin í Bahjí gegndi því hlutverki að vera minnisstæður lokapunktur þingsins, þegar þátttakendur samkomunnar hófu heimferð sína. Auðgaðir af reynslu undanfarinna daga, snúa fulltrúarnir aftur til sinna landa um allan heiminn, til að kynda undir þá starfsemi sem þegar er komin af stað til að stuðla að friðsömu þjóðfélagi.
Fleiri myndir af lokadegi þingsins og minningarathöfninni á 12. degi Riḍván í Bahjí er hægt að nálgast hér.
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
