Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
13. Bahá‘í heimsþingið: Andi þingsins ríkjandi við móttöku hjá borgarstjóra Haífa
3. maí 2023
Höfundur: siá
BAHÁ’Í HEIMSÞINGIÐ — Meira en 160 fulltrúar 13. heimsþingsins og um það bil 150 embættismenn, sendifulltrúar, frammámenn og trúarleiðtogar gyðinga, múslima, kristinna og drúsa hittust við móttöku – til að fjalla um hið hnattræna kosningarferli þingsins og auk þess um bahá‘í starfsemi, í víðara samhengi, sem stuðlar að þjóðfélagsumbótum.
Borgarstjóri Haífa Einat Kalisch-Rotem lét í ljósi einlægt þakklæti fyrir það tækifæri að fá að ávarpa þennan fjölbreytilega hóp og gat þess að hún hefði lengi dáðst að bahá‘í trúnni. “Það er heiður fyrir mig að standa hérna fyrir framan ykkur sem borgarstjóri Haífa, borgar þar sem eitt af þekktustu kennileitum, og eitt af helgustu og andlegustu stöðum bahá‘í samfélagsins er staðsett. Bahá‘í heimsmiðstöðin, þar á meðal helgidómur Bábsins og stallarnir, er tákn fyrir skuldbindingu bahá‘í samfélagsins hvað varðar einingu, frið og jafnrétti.”
Borgarstjóri Haífa Einat Kalisch-Rotem ræðir við tvo fulltrúa Bahá‘í heimsþingsins frá Mongolíu (fyrir miðri mynd) og Kazakhstan (til hægri)
Fréttir
31.12.2024
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
23.12.2024
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
12.12.2024
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
27.11.2024
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.
