Íranska klerkastjórnin hefur aftur dæmt bahá’íana Mavash Sabet og Fariba Kamalabadi í tíu ára fangelsi. Eins og áður bar Imam Afshari, yfirdómari íranska Byltingarréttarins, á þær upplognar og staðlausar sakargiftir, m.a. um ”brot á þjóðaröryggi og ”spillingu á jörðinni”. Fariba er sálfræðingur og mannréttindafrömuður en Mavash er skáldkona og kennari. Þær sátu báðar í Evan fangelsinu, illræmdasta fangelsi Írana frá 2008 til 20018, fyrst saman í klefa en síðan aðskildar. Í fangavistinni hlúðu þær að öðrum kvenföngum og töldu í þær kjarkinn eins og ameríska blaðakonan Roxana Saberi segir frá í bók og blaðagreinum um fangavist sína með þeim. Mavash orti ljóð í fangelsinu og fékk viðurkenningu Pen rithöfundasambandsins 2017 sem alþjóðlegt skáld hugrekkis. Hér á eftir fara í lauslegri þýðingu þrjú ljóð sem hún orti um veru sína í fyrri fangavistinni með konum sem sakaðar voru um eiturlyfjaneyslu, vændi og glæpi af ýmsu tagi.