Þýðinga- og málfarsnefnd kynnir nýendurskoðaða íslenska þýðingu á Kitáb-i-Íqán: Bók fullvissunnar. Bahá’u’lláh opinberaði ritið í Bagdað 1861/62 sem svar við spurningum eins af móðurbræðrum Bábsins. Það var gefið út á ensku í fyrsta sinn í þýðingu Shoghi Effendi árið 1931. Eðvarð T. Jónsson þýddi ritið á íslensku og var fyrsta þýðing hans gefin út á prenti árið 1994.
Bók fullvissunnar er fyrsta ritið á Bahá’í vefbókasafninu sem inniheldur orðskýringar. Hægt er að smella á ákveðin orð í textanum og þá birtist gluggi neðst í vafranum með skýringunni.
Bók fullvissunnar er annað ritið sem nefndin hefur gefið út sem rafbók (ePub), en hin er Trúarkerfi Bahá’u’lláh eftir Shoghi Effendi. Rafbókina má sækja sem ePub skrá af Bahá’í vefbókasafninu. Eigendur Kindle lestölvu geta keypt bókina á Kindle Store.
Sunnudaginn 19. janúar 2025 stóð Bahá’í samfélagið í Kópavogi fyrir viðburði í tilefni af Degi heimstrúar (e. World Religion Day). Viðburðurinn fór fram í Lionssalnum í Hlíðarsmára. Viðburðurinn var listrænn og fjölbreyttur. Lesið var úr ritum nokkurra trúarbragða og farið með bahá’í bæn fyrir friði.
BAHÁ’Í HEIMSMIÐSTÖÐIN — Á tímum þegar samfélög um allan heim eru að leita nýrra leiða fram á við vísa ótal sögur af þrautseigju og von veginn fram. Bahá’í heimsfréttaþjónustan lítur til baka og skoðar nokkrar af þeim sögum sem fjallað var um árið 2024 og gefa innsýn í viðleitni bahá’ía til að stuðla að friðsælli heimi.
Íslamska lýðveldið Íran hefur hlotið ávítur Allsherjarþings Sameinuðu þjóðanna fyrir mannréttindabrot sín, meðal annars á meðlimum bahá’í samfélagsins. Þetta kemur fram í nýrri ályktun þar sem segir að bahá’íar og aðrir þurfi að sæta „viðvarandi ströngum hömlum og auknum takmörkunum“ varðandi réttinn til hugsana-, samvisku og trúfrelsis.
EGYPTALAND —Alþjóðlega bahá’í samfélagið hefur tilkynnt að í gær, 11. desember, hafi háttsettur embættismaður bahá’í samfélagsins, Omid Seioshanseian, verið hnepptur í varðhald og numinn á brott af öryggissveitum egypska ríkisins í rúmar 13 klukkustundir á alþjóðaflugvellinum í Kaíró.
Bahá’í heimsmiðstöðin — Byggingarframkvæmdum við helgidóm Bábsins er lokið og aðgengi að honum hefur verið bætt. Þessi helga bygging stendur sem miðpunktur aðdráttarafls í hlíðum Karmelfjalls í Landinu helga.