Close

Not a member yet?Register now and get started.

lock and key

Sign in to your account.

Account Login

Fréttir

  • 
    10. May 2017 Höfundur: siá

    Kyrrðarstundir í Mosfellsbæ

    Garðar við helgidóm Bahá'u'lláh í Bahjí, Ísrael
    Kyrrðarstundir eru haldnar heima hjá Ólafi Haraldssyni og Ragnheiði Ragnarsdóttur að Reykjabyggð 55 í Mosfellsbæ öll þriðjudagskvöld, kl 20. Leið 15 stoppar í næsta nágrenni. Allir eru hjartanlega velkomnir.
  • 
    25. April 2017 Höfundur: siá

    Tilkynning frá Akureyrarsamfélaginu

    Blómaskreyting í garðinum við helgidóm Bahá'u'lláh
    Í tilefni þess að í haust verður 200 ára fæðingarhátíð Bahá‘u‘lláh, opinberanda bahá‘í trúarinnar, birtir Bahá‘í samfélagið á Akureyri tilvitnanir eftir hann í Dagskránni út árið. Vilji einhver sem les þær fá að vita meira erum við í samfélaginu tilbúin til að bjóða viðkomandi upp á eftirfarandi: Að taka þátt í bænastundum, vera með í námshring sem fjallar um andlegar hliðar lífsins, eða fræðast um líf Bahá‘u‘lláh, viðhorf bahá‘í trúarinnar til annarra trúarbragða og afstöðu trúarinnar til dauðans. Hægt er að hafa samband við Böðvar Jónsson í síma 8202105 eða Guðjón Eyjólfsson (gudjoneyjolfsson@gmail.com).
  • 
    24. April 2017 Höfundur: siá

    Spennandi landsþingi lokið

    Landsþing bahá'ía 2017
    Fulltrúar bahá'í samfélaga víðs vegar af landinu sátu 46. landsþing bahá'ía sem haldið var í þjóðarmiðstöð trúarinnar að Kletthálsi 1, dagana 22. og 23. apríl. Auk þeirra sátu þingið meðlimir fráfarandi þjóðarráðs og fulltrúi álfuráðs, Erna Magnúsdóttir. Nokkrir bahá'íar fylgdust með þinginu úr sal. Nýtt þjóðarráð var kosið á þinginu. Engin breyting varð á skipun þess frá síðasta ári. Fulltrúarnir ræddu um ýmis mál er varða þróun trúarinnar hér á landi, en á þessu ári eru liðin 200 ár frá fæðingu Bahá'u'lláh, opinberanda trúarinnar. Mikill hugur var í fólki og margar tillögur voru sendar til nýkjörins þjóðarráðs til umsagnar.
  • 
    21. April 2017 Höfundur: siá

    Gleðileg Ridvánhátíð

    Þessar ungu stúlkur voru meðal gesta í Bahá'í þjóðarmiðstöðinni á 1. degi Ridván
    Mesta hátíð bahá'í ársins, Ridván hátíðin, er ný yfirstaðin, en hún stóð í 12 daga frá 20. apríl til 1. maí. Á þessum tíma minntust bahá'íar yfirlýsingar Bahá'u'lláh árið 1863 í Ridván garðinum í Bagdað, Írak. Þá lýsti hann því yfir að hann væri opinberandi Guðs og hinn fyrirheitni allra trúarbragða. (Til að sjá alla fréttina þarf að smella á bláa tengilinn)
  • 
    20. April 2017 Höfundur: siá

    Ungmenni ræða andleg málefni og þjónustu

    Ungmennamót í Reykjanesbæ
    Dagana 12.-15. apríl komu 12 ungmenni saman á ungmennamóti í bahá’í miðstöðinni í Reykjanesbæ. Farið var í gegnum bókina „Íhugun um líf andans“. Í fyrsta hluta bókarinnar þjálfuðu ungmennin hæfni sína til að skilja bahá’í ritningarnar með því að lesa þær, gera einfaldar æfingar og svara spurningum.
  • 
    17. April 2017 Höfundur: siá

    Kominn heim eftir þjónustu við bahá'í heimsmiðstöðina

    Sjálfboðaliðar við bahá'í heimsmiðstöðina í Haifa, Ísrael.  Jakob Regin er ungi ljóshærði maðurinn aðeins til hægri fyrir miðri mynd, fyrir aftan mann í jakkafötum sem klæðist blárri skyrtu.
    Jakob Regin Eðvarðsson er nýkominn heim til Íslands eftir að hafa lokið þjónustu sinni við bahá'í heimsmiðstöðina í Haifa, Ísrael. Þetta er í annað sinn sem Jakob vinnur við heimsmiðstöðina. Smellið á tengilinn hér fyrir ofan til að sjá alla fréttina.
  • 
    13. April 2017 Höfundur: siá

    Kynning á Badí' dagatalinu

    Badí' dagatalið kynnt
    Í tilefni að því að í ár eru liðin 200 ár frá fæðingu Bahá'u'lláh, opinberanda bahá'í trúarinnar, mun Eysteinn Guðni Guðnason fjalla um Badí' dagatalið á opnu húsi í bahá'í þjóðarmiðstöðinni, Kletthálsi 1, fimmtudaginn 4. maí, kl 20:00. Smellið á tengilinn fyrir ofan til að sjá alla fréttina.
  • 
    12. April 2017 Höfundur: siá

    Nýlega þýdd bæn eftir 'Abdu'l-Bahá

    Lótusblóm
    Bahá'í bænabók kom út fyrir skemmstu, en hún inniheldur bænir eftir Bahá'u'lláh, Bábinn og 'Abdu'l-Bahá. Bahá'í trúin er afar rík af dásamlegum og öflugum bænum sem hrífa sálina til æðri vídda. Margar þeirra innihalda fallegar líkingar. Eftirfarandi bæn eftir 'Abdu'l-Bahá var þó ekki til í íslenskri þýðingu fyrr en nú. Smellið á bláa tengilinn til að sjá alla fréttina.
  • 
    10. April 2017 Höfundur: siá

    Hugað að girðingu og gróðri

    Böðvar Jónsson er nú staddur á landareign bahá'í samfélagsins að Skógum í Þorskafirði. Hann er þar til að skoða girðinguna og lagfæra hana þar sem með þarf. Einnig athugar hann hvernig gróðurinn hefur komið undan vetrinum.
  • 
    9. April 2017 Höfundur: siá

    Bahá'í frá Ástralíu vill hitta íslensk trúsystkini sín

    Mogamet Dollie
    Mogamet Dollie, bahá'í frá Ástralíu er staddur á Íslandi í nokkra daga. Hann er á leiðinni heim til sín, eftir tveggja og hálfs árs þjónustu við Bahá'í heimsmiðstöðina í Haifa, Ísrael. Hann var verkstjóri starfsliðs við heimsmiðstöðina sem sá um að viðhalda og lagfæra hliðin og lampana við helgistaðina, ásamt ýmsum öðrum hlutum úr stáli.
  • 
    30. March 2017 Höfundur: siá

    Ungmennamót um páskana

    Ungmennamót um páskana
    Ungmennamót verður haldið dagana 12.-15. apríl í Reykjanesbæ. Hópurinn mun fara í gegnum bókina „Íhugun um líf andans“ sem fjallar um eðli mannverunnar, upphaf og tilgang lífsins, tilgang bænarinnar, sálina og hvernig hægt er að þjóna mannkyni. Útivist, listræn afþreying og heimsóknir verða hluti af dagskránni.
  • 
    30. March 2017 Höfundur: siá

    Bahá'íar á Akureyri auglýsa í Dagskránni

    Önnur auglýsingin sem bahá'í samfélagið á Akureyri mun birta næstu 40 vikurnar birtist í blaðinu í dag. Þetta er tilvitnun í rit Bahá'u'lláh, í tilefni af því að á þessu ári verða liðin 200 ár frá fæðingu hans.
  • 
    27. March 2017 Höfundur: siá

    Kyrrðarstund í Mosfellsbæ

    Kyrrðarstund verður haldin hjá Ólafi Haraldssyni og Ragnheiði Ragnarsdóttur, Reykjabyggð 55, í Mosfellsbæ næst komandi þriðjudagskvöld kl 20. Allir hjartanlega velkomnir.
  • 
    24. March 2017 Höfundur: siá

    Rainn Wilson á sumarskólanum

    Aðalfyrirlesari á bahá'í sumarskólanum í ár verður Rainn Wilson. Hann er þekktur fyrir leik sinn í sjónvarpsþáttunum "The Office." Skráning á skólann, sem að þessu sinni verður haldinn í Reykhólaskóla dagana 14.-18. júní, stendur nú yfir.
  • 
    23. March 2017 Höfundur: siá

    Tilvitnanir úr ritum Bahá'u'lláh í Dagskránni á Akureyri

    Bahá’í samfélagið á Akureyri mun birta vikulega tilvitnanir í rit Bahá'u'lláh í tilefni af því að í ár eru 200 ár frá fæðingu hans. Auglýsingarnar munu birtast í Dagskránni sem er sjónvarps og auglýsinga miðill gefinn út á Akureyri.

Pages