Á þemakvöldi sem verður haldið í Bahá'í miðstöðinni í Reykjanesbæ, Túngötu 11, fimmtudaginn 9. mars kl. 20 verður fjallað um lífið eftir dauðann, sagt frá nýjustu rannsóknum á nærdauðareynslu, hugmyndum trúarbragðanna um það sem tekur við að loknu þessu lífi og margt annað spennandi og dularfullt. Allir hjartanlega velkomnir!
Síðasti mánuður ársins er föstumánuður, en hver mánuður stendur í 19 daga samkvæmt bahá'í tímatalinu. Fastan hófst 1. mars og stendur til 19. mars, að báðum dögum meðtöldum. Á þessu tímabili er lögð mikil áhersla á bænir og hugleiðslu. Átrúendurnir neita sér um mat og drykk frá kl. 6 á morgnana til klukkan 6 á kvöldin.
AGUA AZUL, Kólumbíu — Mikilvægur áfangi við byggingu svæðistilbeiðsluhúss í Agua Azul, þorpi í Norte del Cauca, Kólumbíu, náðist nýlega. Byggingarframkvæmdir hófust formlega í janúar, eftir undiritun samninga við byggingarfyrirtæki á staðnum.
Bahá'í útgáfan hefur endurútgefið yfirlýsingu Allsherjarhúss réttvísinnar frá 1985, sem nefnist Fyrirheit um heimsfrið. Þessi yfirlýsing er einstæð í sögu Bahá'í trúarinnar því henni er beint til þjóða heimsins og inniheldur bæði fyrirheit og varnaðarorð til alls mannkyns.
Þann 2. mars 2017 munu Earl Redman ásamt konu sinni, Sharon OʼToole, halda fyrirlestur í þjóðarmiðstöð bahá'ía. Hjónin eru búin að ferðast um allan heim og hafa heimsótt samfélög víða og boðið upp á fyrirlestra og dýpkanir um sögu bahá'í trúarinnar.
Bahá'íar kusu andlegt þjóðarráð sitt 2. maí síðastliðinn en árlegt landsþing þeirra var haldið í Bahá'í þjóðarmiðstöðinni að Öldugötu 2 í Reykjavík dagana 1.-2. maí síðastliðinn. Þetta var 44. landsþing bahá'ía á Íslandi en þjóðarráðið var stofnað á Íslandi 1972.
Ridván-hátíðin, helgasta hátíð bahá’ía, er gengin í garð. Af þessu tilefni sendir æðsta stjórnstofnun bahá’í trúarinnar, Allsherjarhús réttvísinnar, árleg skilaboð sín til bahá’ía um allan heim.